RODNYJA VOBRAZY Vobrazy miłyja rodnaha kraju,               
Smutak i radaść maja!..      
 
 Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Taćciana Siviec
Vieršy
Kantekstny tłumačalny słoŭnik
*  *  *
A ty ŭsio dalej
              ad taho, što dalokim było
Za tysiaču hod
              da narodzinaŭ pieršaha kroku.
Ty ładziŭ masty,
              uzbiraŭsia pa lesvicach krochkich
U samaje nieba –
              i Boham hladzieŭ z-pad abłok.

Ty dumaŭ zaŭsiody,
              što skončyć lahčej, čym pačać,
I kožny svoj dzień
              ty zdavaŭ, jak apošni ekzamien.
Šukajučy ščascia,
              ty žyŭ pa raskładach vakzalnych,
Dzie ŭsie ciahniki
              adychodziłi ŭ budučy čas.

Ty vieryŭ, što Viečnasć
              kachankaju budzie tvajoj,
Dy vycviłi słovy
              na šeraj kazionnaj papiery.
Ty pamiać schavaŭ
              u kišeniu, jak vysachły piernik,
Pakul da jaje
              nie dabraŭsia tvoj viečny kanvoj.

Adnojčy ty ŭspomniš
              pra snoŭ šapatłivy ajer,
Pra bol razvitanniaŭ
              i radasć raptoŭnych sustrečaŭ
I spałiš usie
              nieabchodna-biazhłuzdyja rečy...
I łastaŭka-noč
              razabjecca ab vokny tvaje.
 
 
 
 
Padabajecca     Nie padabajecca
2009–2020. Biełaruś, Miensk.